स्वराज्य पुजन तथा प्रवचन

चैत्र शुक्लपक्ष तथा सिद्धार्थिनाम सम्वत्सर प्रारम्भ को अबसरमा स्वराज्य पुजन तथा प्रवचनको आयोजना नेपाल चर्खा प्रचारक गान्धी तुलसि स्मारक महागुठी,काठमाडौंमा आयोजना गरियो ।

स्वराज्यको नारा दिदै महात्मा गान्धीले भारतलाई बृटिश उपनिवेश बाट मुक्त गराएझै नेपालमा पनि स्वराज्यलाइ पुजन सहित परिवर्तनको आधार बनाउने कार्य प्रारम्भ गरिएको छ।आन्तरिक बेथिति र बाह्य हस्तक्षेप बाट मुलुक लाई जोगाउन थालिएको स्वराज्य अभियान स्थानीय समुदायको चासोको बिषय बन्दै गइरहेको छ।आ यद् वामीयचक्षसा मित्र वयं च सुरय: ।व्यचिष्ठे बहुपाय्ये यतेमही स्वराज्ये।

अर्थात बिस्तृत र बहुमतद्वारा जसको पालन हुन्छ त्यस्तो स्वराज्य शासनमा जनताको भलाइका लागि लागि रहौ भन्ने ऋगवेदको बचनले प्रजातन्त्र ,राष्ट्रियता र समावेशीतालाइ सम्बोधन गर्दछ।ऋगवेद,शुक्लयजुर्वेद तथा श्रीमद् भागवतको छैठौं अध्यायको वेत्रासुर बधको इतिहास लाई स्मरण गराउदै तयार गरिएको स्वराज्य भागवत ले पुजनका साथै स्थानीय सरकारको क्षमता विकास मा समेत  योगदान दिनेछ ।भाषणमा मात्रै सिमित स्वराज्य  नेपालबाट पुजन तथा सुशासनको लागि प्रेरक बन्दै सौम्यशक्तिका रुपमा महत्त्वपूर्ण भएको छ।

"इत्था हि सोम इन्मदे ब्रह्मा चकारवर्धनम्।शविष्ठ वज्रिन्नोजसा पृथिव्या नि: शशा अहिमर्चन्ननु स्वराज्यम्।" ऋषवेदको मन्त्र सहितको हवनले ब्रह्माण्डमै स्वराज्यको प्रभाव पर्दछ।
सबै धर्मावलम्बी तथा संस्कृतिले आफ्नो ठान्ने स्वराज्यको अभ्यासले नयाँ विश्वको आधार बनाउनेछ ।

द्वन्द्व रुपान्तरण र शान्ति स्थापनामा धर्म तथा अध्यात्मिक क्षेत्रको भूमिका बिषयक आफ्नै अनुसन्धान बाट सबै धर्मावलम्बीहरुको सहयोग प्राप्त हुनेछ भने स्वराज्य र मेलमिलाप विचार ले सहकार्य प्रारम्भ हुनेछ ।

आन्तरिक वेथिति र असहिष्णु समाजलाई वदल्नु पनि अौपनिवेशिक शक्ति संग लड्नु जस्तै हो।स्वराज्य पुजन र प्रवचन वर्तमान युगको परिवर्तनकारी अभियान हो।अहिंसा र शान्तिको शास्त्रीय आधार हो।