October 22, 2021, Friday
५ कार्तिक २०७८, शुक्रबार

एमालेको केन्द्रीय कमिटी बैठक अपरान्ह ३ बजे, महाधिवेशनको मिति हेरफेर हुन सक्ने

नेकपा एमालेको केन्द्रीय कमिटी बैठक बस्दै छ । प्रधानमन्त्रीको सरकारी निवास बालुवाटारमा पार्टीको सांगठनिक काम कारबाहीबारे छलफल गर्न आज अपरान्ह ३ बजे बैठक बस्न लागेको हो ।

Advertisement

एमाले केन्द्रीय कार्यालयका सचिव शेरबहादुर तामाङका अनुसार आगामी मङ्सिर २ देखि ६ मा हुने भनिएको महाधिवेशनको मितिबारे शनिबारको बैठकबाट पुनर्विचार हुने सम्भावना छ । ‘माओवादी केन्द्रसँगको एकीकरणपछि संगठनात्मक काम केही भएन । त्यसपछि पनि पार्टीभित्रको अन्तर विरोधका कारण पर्खिने क्रममा केही काम भइरहेको छैन । त्यसैले संगठनका गतिविधि बढाउनेबारे आजको बैठकले निर्णय लिन्छ । स्थानीय पार्टी कमिटी र सदस्यता सम्बन्धी काम अगाडि बढ्छ,’ उनले भने ।

उनले भने, ‘कात्तिक-मंसिरमा चुनावको मिति घोषणा भैसकेको र फागुनमा स्थानीय चुनाव गर्नुपर्ने अवस्था छ । हामीले पार्टीको महाधिवेशन पनि गर्नुपर्ने छ । आगामी मङ्सिर २ देखि ६ मा हुने भनिएको महाधिवेशनको मितिबारे शनिबारको बैठकबाट पुनर्विचार हुने सम्भावना छ ।’

उनले भने, ‘माधव कमरेडसहितका साथीहरुलाई पनि बोलाएका छौं । आउने नआउने उहाँहरुको कुरा हो । उहाँहरु एमालेमै हुनुहुन्छ,’ तामाङले भने, ‘आजको बैठकमा नआए पनि ७२ घण्टाभित्र काँग्रेस सभापति शेरबहादुर देउवालाई प्रधानमन्त्री बनाउन गरिएको हस्ताक्षर फिर्ता नलिए कारबाही हुन्छ ।’