राष्ट्रपतिले आज मेलम्ची खानेपानीको औपचारिक उद्घाटन गर्ने

राष्ट्रपतिले आज मेलम्ची खानेपानीको औपचारिक उद्घाटन गर्ने

काठमाडौं । मेलम्ची खानेपानी आयोजनाको पानी वितरणको औपचारिक उदघाटन शुक्रबार गरिँदै छ । राष्ट्रपति विद्यादेवी भण्डारीले भृकुटीमण्डपबाट पानी वितरणको औपचारिक उदघाटन गर्न लागेकी हुन् ।मेलम्चीको पानी काठमाडौं आइसकेको करिव एकसातापछि औपचारिक उद्घाटन शुरु हुने भएको हो । राष्ट्रपति भण्डारीले भृकुटीमण्डपमा धाराको टुटी खोलेर मेलम्ची खानेपानी आयोजनाको उद्घाटन गर्ने छिन्।

भृकुटीमण्डपमा नवनिर्मित सार्वजनिक ढुंगेधारामा राष्ट्रपतिबाट २ बजे उद्घाटनको कार्यक्रम तय भएको मेलम्ची आयोजना कार्यन्वयन निर्देशनालयले जानकारी दिएको छ । त्यहा तीन वटा धारा राखिएको र २४ सैं घण्टा पानी आउने व्यवस्था गरिएको छ ।

राष्ट्रपति भण्डारीले दिउँसो २ बजे मेलम्ची उद्घाटन गर्ने आयोजना कार्यन्वयन निर्देशनालयले जानकारी दिएको छ । उद्घाटन कार्यक्रममा प्रधानमन्त्री केपी शर्मा ओलीसहित स्थानीय जनतापनि सहभागी हुनेछन् ।

काठमाडौं उपत्यकाका सर्वसाधरणले आइतबारदेखि नै मेलम्चीको पानी खान थालिसकेका छन् । हालसम्म महांकाल, मीनभवन र खुमलटारको ट्याङ्कीबाट एक दिन विराएर पानी पठाइएको छ भने अनामनगरको ८ सय घरमा भने २४ सै घण्टा पानी वितरण भइरहेको छ । हाल पुरानो पाइपलाइनबाट पानी वितरण भइरहेको आयोजनाले जनाएको छ । नयाँ पाइपलाइनबाट भने केही दिनभित्रै पानी आउने व्यवस्था गरिने आयोजनाले बताएको छ ।

Facebook Comments Box
Share This
  • 2
  •  
  •  
  •  
  •  
  •  
  •  
  •  
  •  
  •  
    2
    Shares