भिडियोः व्यायाम गर्नेबेला बडी बिल्डरको मांसपेशी फुट्यो, शल्यक्रियाका लागि जुटाए ४४ लाख

भिडियोः व्यायाम गर्नेबेला बडी बिल्डरको मांसपेशी फुट्यो, शल्यक्रियाका लागि जुटाए ४४ लाख

दुबईका एक बडी बिल्डरमाथि एक भयानक दुर्घटना भएको छ । रायन क्रोली नामका यी बडी बिल्डर जिममा बेन्च प्रेस व्यायाम गरिरहेका थिए । रायनले असाध्यै भारी तौल उठाएका थिए जसका कारण उनको नियन्त्रण गुम्यो र उनको दाहिने हातको मांसपेशी फुट्यो र उनलाई भर्ना गर्नुपर्यो ।

रायनका ट्रेनर पनि उनीसँगै थिए । रायनको टाउकोमा मेसिन नखसोस् भन्ने कुरामा उनी केन्द्रीत थिए । रायनले उक्त व्यायामका बेला १८० किलो तौल उठाएको बताइन्छ । भिडियोमा देखिए अनुसार रायनले असाध्यै भारी बेन्च प्रेस गर्नेबेला तौललाई माथि लैजाने क्रममा अचानक उनको दायाँ हातको मांसपेशी फुट्यो र रायन पीडाका कारण तड्पिन थाले ।

स्मरण रहोस् रायनका कोच ल्यारीले उनका लागि गोफन्डमी मा सहयोग गरेका थिए र यो फन्ड पेजको सहारामा रायनका लागि पाँच दिनमा लगभग ३८ हजार डलर अर्थात् ४४ लाख डलर जुटाइयो । रायन बेलायतका हुन् र दुबईमा उनका इन्स्योरेन्सले उनको मेडिकल बिल कभर गर्न सक्दैनथ्यो ।

रायनको शल्यक्रिया भइसकेको छ । उनले इन्स्टाग्राममा पोट गर्दै एक घण्टामा हुनुपर्ने शल्यक्रिया चार घण्टामा पूरा भएको बताए । उनले लेखे, ‘म शल्यक्रिया हुनुअघि निकै डराएको थिएँ र मेरो बडी बिल्डिङको करियर सुरु हुनु अघि नै समाप्त हुने हो कि भन्ने डर थियो ।’

रायनले इन्स्टाग्राममा पोस्ट गर्दै लेखे, ‘मलाई अहिले पनि असाध्यै दुखिरहेको छ । टाउकोदेखि खुट्टासम्म पूरा शरीर सुन्निएको छ । यद्यपि, रिकभरीको सुरुवात अब हुन्छ । मैले आफ्नो हात फिर्ता पाउनका लागि एक गम्भीर योजना फलो गर्नुपर्नेछ । सबैभन्दा पहिला त म यस्तो हातसहित घरमा सहज हुनुपर्नेछ र त्यसपछि बिस्तारै म जिममा जानेछु ।’

https://www.instagram.com/p/CMpLJ6Rs9Ij/

Facebook Comments Box
Share This
  • 1
  •  
  •  
  •  
  •  
  •  
  •  
  •  
  •  
  •  
    1
    Share