नरेन्द्र मोदीको जिबन माथि बनेको फिल्मलाई रोक

नरेन्द्र मोदीको जिबन माथि बनेको फिल्मलाई   रोक

नयाँ दिल्ली। भारतको चुनाव आयोगले प्रधानमन्त्री नरेन्द्र मोदीको जीवनीमाथि बनेको फिल्मलाई लोकसभा चुनावसम्म रोक लगाएको छ । आयोगले यो फिल्मका कारण चुनावमा बराबरीको मौका प्रभावित हुने बताएको छ । आयोगले यो फिल्मका साथै अन्य कुनै पनि नेताको जीवनमाथि आधारित फिल्मको प्रसारणमा रोक लगाएको छ ।चुनाव आयोगले संविधानको अनुच्छेद ३२४ मा दिइएको विशेष शक्तिको प्रयोग गर्दै यो निर्णय गरेको हो । सेन्सर बोर्डले पहिले नै यो फिल्मलाई ‘यू’ सर्टिफिकेट दिएर रिलिज गर्ने स्विकृती दिएको थियो ।

यसअघि सर्वोच्च अदालतमा यो फिल्ममा रोक लगाउनुपर्ने भन्दै याचिका दर्ता गरिएको थियो । यद्यपि, अदालतले फिल्ममाथि रोक लगाउन अस्विकार गरेको थियो । मुख्य न्यायाधीश रंजन गोगोइले यो मामलामा निर्णय दिने काम चुनाव आयोगको भएको बताए ।कांग्रेस नेता एवं वकिल अभिषेक मनु सिंघवीले आफ्नो याचिकामा यसका कारण निष्पक्ष चुनाव र मतदाता प्रभावित हुने बताएका थिए ।

कांग्रेस नेता एवं वकिल अभिषेक मनु सिंघवीले आफ्नो याचिकामा यसका कारण निष्पक्ष चुनाव र मतदाता प्रभावित हुने बताएका थिए । सिंघवीले यो फिल्म बनाउन भाजपाका पदाधिकारीको सहयोग भएको र फिल्ममा मोदीको भूमिका निभाउने नायक विवेक ओबरोय भाजपाका लागि चुनाव प्रचार गर्न लागेको दाबी गरेका थिए ।अब चुनाव आयोग आफैंले ‘पीएम नरेन्द्र मोदी’ फिल्ममा रोक लगाएको छ ।